کھٹمنڈو (اے پی پی) ایشین کرکٹ کونسل ٹی 20 کپ میں ہانگ کانگ نے ملائیشیا اور نیپال نے مالدیپ کو شکست دے دی۔ گروپ اے کے پہلے میچ میں ملائیشیا کی ٹیم نے مقررہ 20 اوورز میں 9 وکٹوں کے نقصان پر 103 رنز بنائے۔ ہانگ کانگ کی جانب سے تنویر افضل نزاکت خان نے دو، دو وکٹیں حاصل کیں۔ ہانگ کانگ نے ہدف 12 اوورز میں 4 وکٹوں کے نقصان پر حاصل کر لیا۔ نیپال نے مقررہ 20 اوورز میں 2 وکٹوں پر 171 رنز بنائے۔ مالدیپ کی ٹیم 7 وکٹوں پر 95 رنز سکور کر سکی۔