لاہور (سپورٹس رپورٹر) خواتین کے عالمی دن کے موقع پر منعقد ہونے والے ویمن نمائشی ہاکی میچ میں بینظیر بھٹو الیون نے فاطمہ جناح الیون کو ایک کے مقابلے دو گول سے ہرا دیا۔ بینظیر بھٹو الیون کی قیادت کے فرائض امریکہ کی قونصل جنرل نینا فائیٹ نے جبکہ فاطمہ جناح الیون کی قیادت نورین جان نے انجام دی۔ آخر میں امریکہ کی قونصل جنرل نینا فائیٹ نے کھلاڑیوں میں انعامات تقسیم کئے۔پی ایچ ایف ویمن ونگ کی سکندر پروین گل، مشتاق احمد، محمد پرویز اور حیدر رسول بھی موجود تھے۔