پشاور (اے پی پی) چیف آف ائرسٹاف نیشنل جونیئر انڈر 19 سکوائش چیمپئن شپ میں علی بخاری نے ٹاپ سیڈ بلال ذاکر کو شکست دے کر فائنل میں جگہ بنا لی۔ دوسرے سیمی فائنل میں طیب اسلم فاتح قرار پائے۔ انڈر 17 ایونٹ کے پہلے سیمی فائنل میں اسرار احمد نے محمد فرحان کے خلاف جبکہ احسان ایاز نے اقتدار خان کے خلاف کامیابی حاصل کر کے فائنل میں جگہ بنائی۔ انڈر 15 سیمی فائنلز میں علی کرامت اور فیضان خان نے فتوحات حاصل کر کے فائنل تک رسائی حاصل کی۔ انڈر 13 کیٹگری کے مقابلوں میں عباس زیب اور محمد جنید نے سیمی فائنلز جیت کر فائنل کےلئے کوالیفائی کر لیا جبکہ انڈر 11 ایونٹ میں حارث قاسم اور ذیشان ملک فاتح ٹھہرے۔