پاکستانی ٹیبل ٹینس ٹیم کامن ویلتھ چیمپئن شپ میں شرکت کرےگی
اسلام آباد /نئی دہلی (این این آئی)پاکستان کی قومی ٹیبل ٹینس ٹیم مئی میں بھار ت کے دارالحکومت دہلی میں منعقد ہونے والی کامن ویلتھ چیمپئن شپ میں شرکت کرےگی ،رواں ماہ قومی ٹیم پیرس میں منعقد ہونے والی ورلڈ چیمپئن شپ میں بھی حصہ لے گی۔ دونوں ایونٹس کےلئے مردو و خواتین ٹیم کے چناﺅ کیلئے گزشتہ روز ٹرائلز کا سلسلہ مکمل کر لیا گیا فیصل آباد میں پاکستان ٹیبل ٹینس فیڈریشن کے زیر اہتمام منعقد ہونےوالے تین روزہ ٹرائلز میں پنجاب ، خیبر پختونخوا ، سندھ ، بلوچستان سمیت حبیب بینک ، واپڈا، ریلویزاور بعض دیگر اداروں کے 64مرد اور 64خواتین کھلاڑیوں نے حصہ لیا۔
