میامی (سپورٹس ڈیسک) امریکہ کی نامور ٹینس سٹار اور عالمی نمبر ایک سرینا ولیمز میامی ماسٹرز اوپن ٹینس ٹورنامنٹ کے فائنل میں پہنچ گئیں جبکہ اگنیسکا راڈ وانسکا اور جیلینا جانکووچ سیمی فائنل میں ہار کر ایونٹ سے باہر ہوگئیں۔ امریکہ میں جاری ڈبلیو ٹی اے ایونٹ میں کھیلے گئے سیمی فائنل میں امریکہ کی سرینا ولیمز نے عمدہ کھیل پیش کرتے ہوئے پولینڈ کی اگنیسکا راڈ وانسکا کو سٹریٹ سیٹس میں 6-0 اور 6-3 سے ہرا کر ایونٹ کے فائنل کے لئے کوالیفائی کر لیا۔ ان کا مقابلہ روسی ٹینس سٹار ماریہ شراپووا سے ہو گا۔ انگلینڈ کے شہرت یافتہ ٹینس سٹار، اولمپک چیمپئن اور عالمی نمبر تین اینڈی مرے اور فرانس کے رچرڈ گیسکٹ میامی ماسٹرز اوپن ٹینس ٹورنامنٹ کے سیمی فائنل میں پہنچ گئے جبکہ جمہوریہ چیک کے ٹامس برڈوچ اور کروشیا کے مارین کلک کوارٹرفائنل میں ہرا کر ٹورنامنٹ سے باہر ہوگئے۔ کوارٹرفائنل میں انگلینڈ کے شہرت یافتہ ٹینس سٹار، اولمپک چیمپئن اور عالمی نمبر تین اینڈی مرے نے عمدہ کھیل کا مظاہرہ کرتے ہوئے کروشیا کے نائنتھ سیڈ مارین کلک کو سٹریٹ سیٹس میں 6-4 اور 6-3 سے ہرا کر ایونٹ کے سیمی فائنل کےلئے کوالیفائی کر لیا۔ فرانس کے ایٹتھ سیڈ رچرڈ گیسکٹ نے جمہوریہ چیک کے فورتھ سیڈ ٹامس برڈچ کو سٹریٹ سیٹس میں 6-3 اور 6-3 سے شکست دیکر ایونٹ سے باہر کردیا۔