کراچی (آن لائن) دورہ جنوبی افریقہ میں بدترین شکست کے بعد پی سی بی نئے ٹیلنٹ کی تلاش کیلئے ہنگامی اقدامات کریگا۔ اس ضمن میںکل چیئرمین ذکاءاشرف کی زیر سربراہی اعلیٰ سطح کا جلاس طلب کر لیا گیا۔ اس موقع پر سلیکٹرز کے ساتھ فاسٹ باﺅلنگ، وکٹ کیپنگ اور بیٹنگ کے خصوصی کیمپس پر بھی تبادلہ خیال کیا جائیگا۔ وسیم اکرم کے کراچی میں رہائش پذیر ہونے کی وجہ سے پیسرز کا کیمپ نیشنل سٹیڈیم میں بھی لگانے کا امکان ہے۔ پی سی بی نے بلے بازوں کا بھی کیمپ لگانے کا فیصلہ کر لیا ہے۔