لاہور (سپورٹس رپورٹر) پنجاب میں گراس روٹ لیول پر سائیکلنگ کی ترقی کے لیے کرائی جانے والی سائیکل ریس شمعون مسیح نے جیت لی ہے۔ ریس میں پنجاب بھر سے 42 سائیکلسٹ نے حصہ لیا۔ افتتاح تقریب کے مہمان خصوصی پاکستان سائیکلنگ فیڈریشن کے سیکرٹری چودھری کامران امین تھے۔ شعمون مسیح نے 35 کلو میٹر کا مقررہ فاصلہ 39 منٹ 17.24 سیکنڈ میں طے کر کے اول پوزیشن حاصل کی۔ محمد عمران دوسرے، کاشف عارف تیسرے، سنی انوار چوتھے، رحمان پانچویں جبکہ شہباز مسیح چھٹے نمبر پر رہے۔ ریس کی اختتامی قتریب کے مہمان خصوصی افتخار نیازی تھے جنہوں نے پہلی چھ پوزیشن حاصل کرنے والے سائیکلسٹ میں انعامات تقسیم کیے۔