لاہور (سپورٹس رپورٹر) عامر میموریل کرکٹ کلب لاہور کے چیف کوچ محمد زمان بابری قضائے الٰہی سے وفات پا گئے اور عامر میموریل کلب ایک انتہائی شفیق رہنما سے محروم ہو گئی مرحوم کو نزد سی ایم ایچ قبرستان سپردخاک کر دیا گیا مرحوم کی نماز جنازہ میں پی سی بی کے اعلیٰ عہدےداران معروف کرکٹرز اور کلبوں کے آرگنائزر نے شرکت کی مرحوم کی رسم قل آج بعد نماز ظہر 2-30 بجے مرحوم کی رہائش گاہ 37-y-6 سرور روڈ لاہور کینٹ پر ادا کی جائیگی۔ عامر میموریل کلب کا ایک ہنگامی تعزیتی اجلاس کلب کے سینئر وائس پریذیڈنٹ قاضی برہان الرحمان کی زیر صدارت منعقد ہوا جس میں مرحوم کی وفات پر گہرے رنج و غم کا اظہار کیا گیا۔