پالے کیلی (سپورٹس ڈیسک) سری لنکا نے سیریز کے واحد ٹی ٹونٹی میچ میں بنگلہ دیش کو 17 رنز سے ہرا دیا۔ سری لنکا نے پہلے کھیلتے ہوئے 5 وکٹوں کے نقصان پر 198 رنز بنائے۔ پریرا 64، مینڈس 37 اور میتھیوز 30 رنز ناٹ آﺅٹ کے ساتھ نمایاں رہے۔ روبیل حسین، سویاگ غازی، عبدالرزاق اور محمداللہ نے ایک ایک وکٹ حاصل کی۔ بنگلہ دیش کی ٹیم 7 وکٹوں پر 181 رنز بنا سکی۔ محمد اشرفل 43، کپتان مشفیق الرحیم 39، محمداللہ 31 اور مومن الحق 28 ناٹ آﺅٹ رنز کے ساتھ نمایاں رہے۔ میتھیوز اور پریرا نے دو دو جبکہ لاستھ مانگا اور بنانائیکے نے ایک ایک وکٹ حاصل کی۔ پریرا کو میچ کا بہترین کھلاڑی قرار دیا گیا۔