لاہور (سپورٹس رپورٹر) نیشنل بنک انٹر ڈیپارٹمنٹل بیس بال چیمپیئن شپ پاکستان واپڈا کی ٹیم نے جیت لی ہے۔ لاہور میں منعقد ہونے والی انٹرڈیپارٹمنٹل بیس بال چیمپیئن شپ میں تینوں محکموں کی ٹیموں واپڈا، پولیس اور ایچ ای سی نے حصہ لیا۔ واپڈا نے پہلی، ہائر ایجوکیشن کمیشن نے دوسری جبکہ پولیس کی ٹیم نے تیسری پوزیشن حاصل کی۔ چیمپیئن شپ کے اختتامی روز آخری پول میچ میں پاکستان واپڈا نے پولیس کو 2 کے مقابلے میں 14 سکور سے شکست دی۔ فاتح ٹیم کی جانب سے محمد عثمان، محمد آصف، عدنان اور محمد زبیر نے واپڈا کی جیت میں اہم کردار ادا کیا۔