ننکانہ صاحب (نامہ نگار) ڈسٹرکٹ سپورٹس آفس ننکانہ صاحب نے جشن بہاراں کے سلسلہ میں ضلع بھر کے مختلف سکولوں اور کالجز کے طلباءوطالبات کے درمیان مختلف کھیلوں جن میں سے فٹ بال، والی بال، اتھلیٹکس، بیڈمنٹن، رسہ کشیاور ٹیبل ٹینس وغیرہ کے مقابلوں کا اہتمام کیا ہے پروگرام کے مطابق آج سے گورنمنٹ گورونانک ڈگری کالج برائے خواتین میں گرلز کالجز کے درمیان مقابلہ جات ہونگے جس کی مہمان خصوصی بیگم ڈی سی او ننکانہ آمنہ عثمان ہونگی علاوہ ازیں 2اپریل کو گورنمنٹ گورونانک ڈگری کالج (فاربوائز) میں مختلف بوائز کالجز کے درمیان جبکہ 3اور 4اپریل کو سکول لیول کے مقابلہ جات کروائے جائیں گے جس کے مہمان خصوصی ڈی سی او ننکانہ صاحب ڈاکٹر عثمان علی خاں ہونگے ڈسٹرکٹ سپورٹس آفس ننکانہ صاحب نے اس سلسلہ میں تمام تر انتظامات مکمل کر لیے ہیں۔