لاہور (سپورٹس رپورٹر) پاکستان کرکٹ بورڈ کے زیراہتمام ہونے والی پیٹرنز ٹرافی گریڈII کرکٹ ٹرافی کا آغاز آج سے ملک کے مختلف سنٹرز پر ہوگا۔ ٹورنامنٹ میں حصہ لینے والی 23 ٹیموں کو چار گروپوں میںتقسیم کیا گیا ہے۔ گروپ اے میں نیوی، کسٹم، پاکستان سٹیل، سعودی کرکٹ انٹرنیشنل، سوئی سدرن گیس کمپنی، کراچی الیکٹرک سپلائی کمپنی، گروپ بی میں آرمی، فیس فریش، پاکستان ٹیلیویژن، کراچی پورٹ ٹرسٹ، سی ڈی اے اور میڈیکیم، گروپ سی میں ڈالر ایسٹ، حکم انجینئرنگ، عمر ایسوسی ایٹس، پاکستان ایجوکیشن بورڈ، ای ٹی پی بی اور کینڈی لینڈ جبکہ گروپ ڈی میں ہائر ایجوکیشن کمیشن، انکم ٹیکس، سروسز انڈسٹریز، سید پیپرز اور خیابان امین کی ٹیمیں شامل ہیں۔ چاروں گروپ میں سبقت حاصل کرنے والی ٹیموں کے مابین سیمی فائنل مقابلے 24 اور26 اپریل کو جبکہ ٹورنامنٹ کے فائنل 29 اپریل کو کھیلا جائے گا۔