چارلسٹن+مونٹریری (اے پی پی) امریکہ کی شہرت یافتہ ٹینس سٹار اور عالمی نمبر ایک سرینا ولیمز فیملی سرکل کپ ٹینس ٹورنامنٹ کے تیسرے راﺅنڈ میں پہنچ گئیںجبکہ فورتھ سیڈ سلونی سٹیفنز اور ایٹتھ سیڈ مونا بارتھل دوسرے راﺅنڈ میں اپ سیٹ شکست کے بعد ایونٹ سے باہر ہوگئیں۔ امریکہ میں جاری ڈبلیو ٹی اے ایونٹ میں کھیلے گئے دوسرے راﺅنڈ میں امریکہ عالمی نمبر ایک سرینا ولیمز نے شاندار کارکردگی کا مظاہرہ کرتے ہوئے اٹلی کی کمیلا گیورگی کو سٹریٹ سیٹس میں 6-2 اور 6-3 سے ہرا کر ایونٹ کے تیسرے راﺅنڈ کے لیے کوالیفائی کرلیا۔ ٹاپ سیڈ انجلیکیوکربر، ماریا کیری لنکو اور اینا آئیوانوچ مونٹریری اوپن ٹینس ٹورنامنٹ کے دوسرے راﺅنڈ میں پہنچ گئیں جبکہ فرانس کی سیکنڈ سیڈ مارین برٹولی ابتدائی راﺅنڈ میں اپ سیٹ شکست کے بعد ایونٹ سے باہر ہوگئیں۔ میکسیکو میں جاری ڈبلیو ٹی اے ایونٹ میں کھیلے گئے پہلے راﺅنڈ میں جرمنی کی ٹاپ سیڈ انجلیکیو کربر نے امریکہ کی سمانتھا کرافورڈ کو سٹریٹ سیٹس میں 6-3 اور 6-3 سے ہرا کر ایونٹ کے دوسرے راﺅنڈ کے لئے کوالیفائی کرلیا۔