لاہور( کلچرل رپورٹر) گلوکار عارف لوہار نے کہا ہے کہ میں خود کو دنیا کا خوش قسمت انسان تصور کرتا ہوں جسکو اللہ تعالیٰ نے اپنے گھر کی زیارت کرائی ۔ عمرے کی سعادت حاصل کرنا عظیم عمل ہے خدا جس کو بھی یہ موقع دیتا ہے وہ بڑا خوش قسمت انسان ہوتا ہے۔ عمرے کے دوران اپنے اہل خانہ کےلئے دعا کیساتھ ساتھ خصوصاً پاکستان کی سلامتی کےلئے بھی دعائیں مانگی ہیں ۔ دنیا جہاں کے غم و فکر بھول گیا تھا،آئندہ بھی جب اللہ تعالیٰ نے توفیق دی تو ضرور دوبارہ عمرہ کرنے کے لئے جاﺅں گا۔