لاہور (سپورٹس رپورٹر) پاکستان کرکٹ بورڈ کے زیراہتمام پریذیڈنٹ کپ ون ڈے کرکٹ ٹورنامنٹ آج سے شروع ہو گا۔ ٹورنامنٹ کے افتتاحی روز گروپ اے اور بی میں دو دو میچز کھیلے جائیں گے۔ گروپ اے میں سوئی ناردن گیس مقابلہ کے آر ایل سے ملتان کرکٹ سٹیڈیم جبکہ زرعی ترقیاتی بنک اور نیشنل بنک کی ٹیمیں قذافی سٹیڈیم میںمدمقابل ہونگی۔ گروپ بی میں پی آئی اے کا مقابلہ واپڈا سے جبکہ سٹیٹ بنک کا مقابلہ یو بی ایل سے ہوگا۔