لاس اینجلس (اے پی پی) ہالی ووڈ گلوکارہ الیشا ڈکسن نے کہا ہے کہ شوبز کی دنیا آج بھی تعصب سے خالی نہیں۔ گلوکارہ الیشا ڈکسن جو امریکی ٹی وی ریالٹی شو سٹرکلی کم ڈانسنگ کی سابق جج بھی رہ چکی ہیں، نے کہا کہ شوبز میں آج بھی تعصب کا رجحان پایا جاتا ہے۔ انہیں یاد ہے جب وہ میگزین کیلئے انٹرویو ریکارڈ کروا رہی تھیں تو صحافی نے صاف لفظوں میں کہا تھا کہ وہ ان کی تصویر کورپیج پر نہیں چھاپیں گے کیونکہ اس سے میگزین کی فروخت اچھی نہیں ہو گی۔ اس بات سے وہ کافی دکھی ہوئی کہ ابھی بھی اس قدیم تعصبانہ رائے کا تاثر موجود ہے ۔ شخصیت کی صلاحیت کو دیکھنا چاہئے نہ کہ اس کے رنگ کو۔ وہ پرامید ہیں کہ آئندہ 100 سالوں میں جب مزید جدت آئے گی تو یہ تاثر ضرور کم ہو گا۔