لاہور (کامرس رپورٹر) پاکستان نے سنگاپور میں ہونے والے دوسرے فائیو اے سائیڈ انڈر 16 ایشیا ہاکی کپ ٹورنامنٹ میں پاکستان نے فائنل میں رسائی حاصل کر لی۔ پاکستان نے سیمی فائنل مقابلے میں ملا ئیشیا کو صفر کے مقابلے میں چھ گول سے ہرا کر ٹورنامنٹ کے فائنل میں کوالیفائی کیا۔ پاکستان کی طرف سے محمد عتیق نے2، شان ارشاد، کپتان نویبز ملک، جنید منظور اور سکندر مصطفے نے ایک ایک گول کیا۔ اس سے قبل ٹورنامنٹ کے کھیلے گئے آخری پول میچ میں پاکستان نے سری لنکا کو3 کے مقابلے میں 12 گول سے ہرا دیا تھا۔ آج فائنل میں پاکستان کا بنگلہ دیش کی ٹیم سے جوڑ پڑے گا۔