لاہور (کامرس رپورٹر) پاکستان آئندہ برس ہونے والے ٹی ٹونٹی ڈیف ورلڈکپ کی میزبانی کرے گا۔ پاکستان ڈیف کرکٹ ایسوسی ایشن کے ترجمان ظہیرالدین بابر کے مطابق میگا ایونٹ میں دس ٹیمیں شرکت کر رہی ہیں اور انٹرنیشنل ڈیف کرکٹ کونسل نے پاکستان کو میزبانی کے فرائض سونپے ہیں۔ ستمبر میں ہونے والے اس ٹورنامنٹ میں آسٹریلیا، افغانستان، بنگلہ دیش، بھارت، نیوزی لینڈ، پاکستان، نیپال، سری لنکا اور جنوبی افریقہ کی ٹیمیں شرکت کر رہی ہیں۔ میگا ایونٹ کے انتظامات کے حوالہ سے کمیٹی کا قیام جلد عمل میں لایا جائے گا۔