اسلام آباد(اے پی پی) بھارت کی بلائینڈ کرکٹ ٹیم دسمبر میں پاکستان کا دورہ کرے گی۔ دورے کے دوران وہ پاکستان کے خلاف تین ٹی 20 اور تین ایک روزہ میچوں کی سیریز کھیلے گی۔ پاکستان بلائینڈ کرکٹ کونسل کے صدر اور ورلڈ بلائینڈ کرکٹ کونسل کے چیئرمین سید سلطان شاہ نے بتایا کہ بھارت نے اپنی بلائینڈ ٹیم کو رواں سال دسمبر میں پاکستان بھیجنے کا فیصلہ کیا تاہم حتمی شیڈول کا اعلان بعد میں کیا جائے گا۔ بھارت کے دورہ پاکستان سے دوسرے ممالک کو مثبت پیغام جائے گا کہ پاکستان کھیلوں کیلئے محفوظ ملک ہے اور وہ توقع رکھتے ہیں کہ نارمل ٹیمیں بھی بہت جلد پاکستان کے دورے شروع کردینگے۔