لاہور(سپورٹس رپورٹر)8ویں ویمن قومی کرکٹ چیمپن شپ میں ایچ ای سی، ملتان، پاکستان بورڈ اورحیدرآباد کی ٹیموں نے اپنے اپنے میچزجیت لئے، ایل سی سی اے گراﺅنڈ لاہورمیں ایچ ای سی نے لاہور ریجن کو 52رنز سے شکست دیدی۔ ایچ ای سی نے 8 وکٹوں212 رنز بنائے۔ ارم جاوید60، سدرہ امین 33 رنزکے ساتھ نمایاں رہیں، الزبتھ برکات نے3جبکہ بختاوراقبال نے 2کھلاڑیوںکوآﺅٹ کیا۔ لاہور کی ٹیم 160رنزپر ڈھیر ہوگئی۔ سدرہ نواز اورنمرہ عمران 30,30رنز کیساتھ نمایاں رہیں، ارم جاوید نے 3اوراریبہ حسن نے 2کھلاڑیوںکوآﺅٹ کیا۔ اتفاق کرکٹ گراﺅنڈ ماڈل ٹاﺅن میں ملتان نے راولپنڈی کو102رنز سے ہرادیا۔ ملتان نے 9 وکٹوں پر211 رنزبنائے۔ اریب شمیم65، ثناءگلزار53رنز کے ساتھ نمایاںرہیں۔ راولپنڈی کی ٹیم صرف 109رنز بناسکی، نادیہ بیگم 48رنز کیساتھ ٹاپ سکورر رہیں، نادیہ حسین نے4، عاصمہ بانو3 اوررضیہ کلثوم نے 2وکٹیں حاصل کیں۔ کنٹری کلب مریدکے میں پاکستان بورڈنے بہاﺅلپور کے خلاف5وکٹوں سے کامیابی حاصل کی، بہاﺅلپور کی ٹیم صرف 98رنز بناسکی، صبا غفور20رنز کے ساتھ نمایاںرہیں، انم نے 5جبکہ نتالیہ پرویز نے 2وکٹیںحاصل کیں۔ پاکستان بورڈ نے ہدف 5 وکٹوں پر پورا کرلیا، دوسرے میچ میں حیدر آباد نے ایبٹ آباد کے خلاف میچ تین وکٹوں سے جیت لیا، ایبٹ آباد نے 8 وکٹوں پر 169رنز بنائے، سعدیہ بی بی 58 رنزکے ساتھ نمایاں رہیں۔ حیدرآباد نے ہدف 7وکٹوں پر پورا کر لیا، خدیجہ چشتی 71 رنز کے ساتھ ٹاپ سکور ررہیں۔