بیجنگ (بی بی سی) چین نے آئندہ ماہ سے مشرقی سمندری علاقے کے متنازع جزائر میں سیاحت کے لئے بحری جہاز کی سروس شروع کرنے کا اعلان کیا ہے۔ چین کے سرکاری ذرائع ابلاغ کے مطابق مشرقی بحیرہ چین کے سب سے بڑے جزیرے میں کیونکہ صرف ایک ہوٹل ہے اور وہاں پینے کا پانی دستیاب نہیں اس لئے سیاح بحری جہاز پر قیام کریں گے۔ ان جزائر کو چین میں زئشا کے نام سے جانا جاتا ہے لیکن یہ پارسلز کے نام سے بھی مشہور ہیں ان جزائر پر تائیوان اور ویت نام کا بھی دعویٰ ہے۔