ایشیاءکپ کی فاتح انڈر 16 ہاکی ٹیم آج وطن پہنچے گی
لاہور (سپورٹس رپورٹر) پاکستان انڈر 16 بوائز ہاکی ٹیم ایشیا کپ ٹورنامنٹ جیتنے کے بعد آج وطن واپس پہنچے گی۔ سابق اولمپئنز اور ہاکی شائقین کی بڑی تعداد کھلاڑیوں اور ٹیم مینجمنٹ کا استقبال کرے گی۔ پاکستان انڈر16 بوائز ٹیم سنگاپور میں ہونے والے ایشیا کپ ٹورنامنٹ میں ناقابل شکست رہی اور فائنل میں اس نے بنگلہ دیش ٹیم کو پانچ تین سے مات دیکر ٹائٹل اپنے نام کیا تھا۔ پاکستان ہاکی ٹیم کی ٹورنامنٹ میں کامیابی کے ساتھ ہی قومی ٹیم نے یوتھ اولمپکس گیمز کے لئے کوالیفائی کر لیا۔
