نیشنل ایتھلیٹکس مینز ،ویمن چیمپئن شپ 17مئی سے شروع ہوگی
اسلام آباد (این این آئی) پاکستان اتھلیٹکس فیڈریشن کے زیراہتمام 45ویں نیشنل اتھلیٹکس مینز اینڈ ویمن چیمپئن شپ 17مئی سے جناح سٹیڈیم اسلام آباد میں شروع ہوگی۔ پاکستان اتھلیٹکس فیڈریشن کے سیکرٹری محمد ظفر نے بتایاکہ ایونٹ میں فیڈریشن سے منسلک تمام یونٹس، چاروں صوبے، آزاد و جموں کشمیر، گلگت /بلتستان اور مختلف ڈیپاٹمنٹس کے 500اتھلیٹس حصہ لیں گے۔ واضح رہے کہ یہ چیمپئن شپ پاکستان سپورٹس بورڈ کے سابق ڈائریکٹر جنرل (مرحوم) سید ذاکر حسین کی یاد میں منعقد کی جائے گی جو تین روزہ ایونٹ 19 مئی کو اختتام پذیر ہوگا۔
