لاہور (سپورٹس رپورٹر) 8 ویں نیشنل ویمن کرکٹ چیمپئن شپ 2013ءمیں مزید چار میچوں کا فیصلہ ہو گیا۔ زرعی ترقیاتی بنک، راولپنڈی ریجن، اسلام آباد ریجن اور سیالکوٹ ریجن کی ٹیموں نے اپنی اپنی حریف ٹیموں کو شکست سے دوچار کیا۔ تفصیلات کے مطابق جم خانہ گرا¶نڈ باغ جناح میں کھیلے جانے والے میچ میں زرعی ترقیاتی بنک کی ٹیم نے کراچی ریجن کو 8 وکٹوں سے شکست دے دی۔ کراچی نے پہلے کھیلتے ہوئے 102 رنز بنائے جواب میں زیڈ ٹی بی ایل ٹیم نے 2 وکٹوں کے نقصان پر ہدف پورا کر لیا۔ نین عابدی نے 69 رنز کی نمایاں اننگز کھیلی۔ دوسرے میچ میں راولپنڈی نے فیصل آباد ریجن کو 5 وکٹوں سے شکست دی۔ اس میچ میں فیصل آباد کی ٹیم 122 رنز بنا کر آ¶ٹ ہو گئی جواب میں راولپنڈی کی ٹیم نے ہدف 5 وکٹوں کے نقصان پر پورا کر لیا۔ بدرالنساءنے 28 اور ندا نثار نے 26 نمایاں رنز بنائے۔ مریدکے میں کھیلے جانے والے پہلے میچ میں اسلام آباد نے پشاور ریجن کو 106 رنز کے وسیع مارجن سے شکست دی۔ اس میچ میں اسلام آباد ٹیم 147 رنز بنائے جواب میں پشاور کی ٹیم 41 کے سکور پر ڈھیر ہو گئی۔ حنا شفیق اور انوشے ملک نے تین تین کھلاڑیوں کو آ¶ٹ کیا۔ چوتھے میچ میں سیالکوٹ نے کوئٹہ ریجن کو 9 وکٹوں سے ہرایا۔ اس میچ میں کوئٹہ نے پہلے کھیلتے ہوئے تمام وکٹوں کے نقصان پر 61 رنز بنائے جواب میں سیالکوٹ ٹیم نے ہدف صرف ایک وکٹ کے نقصان پر پورا کر لیا۔