لاہور (سپورٹس رپورٹر) پاکستان بلائنڈ کرکٹ کونسل کے صدر اور ورلڈ بلائنڈ کرکٹ کونسل کے چیئرمین سید سلطان شاہ نے کہا ہے کہ بھارت کی بلائنڈ کرکٹ ٹیم دسمبر میں پاکستان کا دورہ کرےگی۔ دورے کے دوران وہ پاکستان کے خلاف تین ٹی 20 اور تین ایک روزہ میچوں کی سیریز کھیلے گی۔ ایک انٹرویو میں سید سلطان شاہ نے بتایا کہ بھارت نے اپنی بلائنڈ ٹیم کو رواں سال دسمبر میں پاکستان بھیجنے کا فیصلہ کیا تاہم حتمی شیڈول کا اعلان بعد میں کیا جائےگا۔ سید سلطان شاہ نے کہا کہ بھارت کے دورہ پاکستان سے دوسرے ممالک کو مثبت پیغام جائے گا کہ پاکستان کھیلوں کیلئے محفوظ ملک ہے۔