لاہور (سپورٹس رپورٹر) پاکستان کرکٹ ٹیم کے آل راو¿نڈر سہیل تنویر نے کہا ہے کہ آئی سی سی چیمپئنز ٹرافی کے لئے سلیکشن کمیٹی نے اعتماد کیا تو اس پر پورا اتروں گا۔ قذافی سٹیڈیم میں میڈیا سے گفتگو میں ان کا کہنا تھا کہ میری فارم اور فٹنس بہت اچھی جا رہی ہے۔ جنوبی افریقہ میں ڈومیسٹک کرکٹ میں اپنی ٹیم کے لئے اچھی کارکردگی کا مظاہرہ کیا اور ٹیم چیمپئن بن گئی۔ پاکستان کی ٹیم ایک روزہ میچوں میں ہمیشہ اچھی کارکردگی دکھاتی ہے اور انگلینڈ میں پہلے بھی ٹی ٹونٹی چیمپئن شپ جیت چکے ہیں لہٰذا امید ہے کہ اس بار بھی انگلینڈ میں کھیلی جانے والی چیمپئنز ٹرافی میں کامیابی حاصل کی جا سکتی ہے۔ کراچی میں وسیم اکرم کی نگرانی میں لگایا جانے والا باو¿لرز کا کیمپ ایک اچھا قدم ہے جس سے وسیم اکرم جیسے عظیم باو¿لر سے سیکھنے کا موقع ملے گا۔