لاہور (نیوز ایجنسیاں) پاکستان کرکٹ بورڈ (پی سی بی) کے زیراہتمام اور یو فون کے اشتراک سے نئے فاسٹ باﺅلنگ ٹیلنٹ کو سامنے لانے کےلئے کنگ آف سپیڈ ٹرائلز (آج) ہفتہ 21 اپریل ملک کے دس مختلف شہروں میں منعقد ہونگے۔ ٹرائلز دو مرحلوں پر مشتمل ہوں گے اور قابل باﺅلرز کو رجسٹرڈ کیا جائےگا اور ہر کیمپ سے دو بہترین باﺅلرز دوسرے مرحلے میں شامل ہوں گے، کیمپ کا دوسرا مرحلہ لاہور اور کراچی میں لگائے جائے گا۔ دوسرے راﺅنڈ کے اختتام پر تین باﺅلرز وائلڈ کارڈ کے ذریعے کراچی میں لیجنڈ فاسٹ باﺅلر وسیم اکرم کی زیر نگرانی کراچی میں منعقدہ فاسٹ باﺅلنگ تربیتی کیمپ میں پاکستانی ٹیم جوائن کریں گے۔ پہلے راﺅنڈ کے ٹرائلز گڑھی خدا بخش اور ملتان میں (آج) ہفتہ کو فیصل آباد میں 14اپریل کو ، کراچی اور اسلام آباد میں 15، پشاور میں 16، کوئٹہ اور ایبٹ آباد میں 17، میرپور آزاد کشمیر میں 18 جبکہ لاہور میں 20 اپریل کو منعقد ہوں گے۔ ملک بھر سے ٹاپ 20 باﺅلرز دوسرے مرحلے کے ٹرائلز میں حصہ لیں گے جو کہ 21 اپریل کو کراچی میں منعقد ہوں گے۔