نارووال:گلوکار ابرارالحق کی مسجد میں سیاسی تقریر، نمازی اٹھ کر چلے گئے
نارووال (آئی این پی +ثناءنیوز+این این آئی) تحریک انصاف کے مرکزی رہنما اور معروف گلوکار ابرارالحق کی مسجد میں سیاسی تقریر ، متعدد نمازی اٹھ کر چلے گئے۔ قومی اسمبلی کے حلقہ این اے 117 نارووال سے تحریک انصاف کے امیدوار ابرارالحق نماز جمعہ کی ادائیگی کے لئے جامع مسجد شاہ جماعت میں آئے۔ نماز کی ادائیگی کے بعد مسجد کے خطیب نے سٹیج پر آنے کی دعوت دی، نعت شریف کے چند اشعار پڑھنے کے بعد ابرارالحق نے اپنی الیکشن مہم کے سلسلہ میں سیاسی تقریر شروع کر دی جس پر متعدد نمازی بقیہ نماز ادا کیے بغیر ہی یہ کہتے ہوئے اٹھ کر چلے گئے سیاسی تقریروں کے لیے اور بھی جگہیں ہیں ہم یہاں نماز پڑھنے آئے ہیں۔
