اسلام آباد (نوائے وقت رپورٹ) ایم کیو ایم کے قائد الطاف حسین نے صدر آصف علی زرداری کو ٹیلی فون کیا جس میں موجودہ صورتحال پر تبادلہ خیال کیا گیا۔ صدر زرداری نے ایم کیو ایم کے کارکنوں کے قتل پر افسوس کا اظہار کیا۔ الطاف حسین نے صدر کو کارکنوں کی ہلاکت کے واقعات سے آگاہ کیا۔ صدر زرداری نے کہا کہ ہمارے کارکنوں کو بھی نشانہ بنایا جا رہا ہے۔ دونوں رہنماﺅں کا کہنا تھا کہ دہشت گردی سے نمٹنے کیلئے مشترکہ لائحہ عمل بنانا ضروری ہے۔ صدر نے سکیورٹی سے متعلق ایم کیو ایم کے تحفظات دور کرنے کی یقین دہانی کرائی۔