مسلم لیگ (ن) نے چیچہ وطنی میں 3 بھائیوں کو پارٹی ٹکٹ جاری کر دیئے
لاہور(خصوصی رپورٹر) مسلم لیگ (ن) ضلع ساہیوال کی تحصیل چیچہ وطنی میں تین سگے بھائیوں کو پارٹی ٹکٹ جاری کردیئے ہیں۔ ٹکٹ حاصل کرنے والوں میں این اے 161 سے چودھری محمد اشرف جٹ، این اے 162 سے چودھری محمد طفیل جٹ اور پی پی 225 سے چودھری محمد ارشد جٹ شامل ہیں۔ قبل ازیں سندھ سے تین بھائی مخدوم امین فہیم، مخدوم خلیق الزمان اور مخدوم رفیق الزمان جبکہ ڈیرہ غازی خاں سے تین بھائی سردار سےف الدین کھوسہ، سردار دوست محمد کھوسہ اور سردار حسام الدین کھوسہ تین بھائی بالترتیب پیپلزپارٹی اور مسلم لیگ (ن) کی ٹکٹوں پر ممبران اسمبلی رہ چکے ہیں۔
