مکرمی!ریپڈبس چلانے سے فیروزپور روڈ کے عوام اور تاجروں کے لیے مشکلات پیدا ہوگئی ہیں۔کچھ تاجروں کی دکانیں گرادی گئیں۔ ان کو ابھی تک معاوضہ نہیں ملا۔ اور ان کا کاروبار بھی نہیں رہا وہ فاقوں پر مجبور ہو چکے ہیں۔ فیروز پور روڈ پر پارکنگ کی جگہ ہوگئی ہے۔ کچھ ایسے علاقے ہیں جہاں پارکنگ کی جگہ بالکل نہیں رہی ہے،اس علاقہ کے تاجر بیشمار مشکلات کا شکار ہیں۔ ان کے گاہک کہاں کہاں اپنی گاڑی پارک کریں۔ فیروز پور روڈ پرکم ازکم3مزید روڈ کٹ بنائے جائیں تاکہ تاجر اور گاہک اور فیروز پور روڈ سے ملحقہ آبادیوں کے رہائشیوں کے لئے آسانی پیدا ہوسکے۔فیروز پور روڈ پر شہید کی گئی مساجد کی فوری تعمیر کی جائے۔ باتھ رومز بنیادی ضرورت ہیں ۔(شیخ حبیب احمد فیروز پور روڈ لاہور)