کرک : فائرنگ کے تبادلے میں دو پولیس اہلکار، 6 شدت پسند جاں بحق .............................. کرک (آئی این پی+نوائے وقت نیوز) کرک میں پولیس اور شدت پسندوں کے درمیان فائرنگ سے دو پولیس اہلکار جاں بحق اور ایک اے ایس آئی زخمی ہوگیا جبکہ چھ شدت پسند مارے گئے۔جمعرا ت کو پولیس کے مطابق بابرہ بانڈہ میں پولیس اور شدت پسندوں کے درمیان فائرنگ کا تبادلہ ہوا۔ کارروائی کے دوران دو پولیس اہلکار مصطفی خان اور زاہد خان جاں بحق ہوگئے جبکہ ایک اے ایس آئی مرشد خان زخمی ہوگیا۔ زخمی ہونے والے اے ایس آئی کو علاج کے لئے مقامی ہسپتال منتقل کردیا گیا ۔ کارروائی میں 6 شدت پسند بھی مارے گئے جبکہ علاقے میں پولیس اور شدت پسندوں کے درمیان فائرنگ کا تبادلہ جاری رہا۔ 3شدت پسندوں کو گرفتار کیا گیا، پولیس کے مطابق شدت پسند پہاڑوں پر موجود ہیں ان کے پاس بارودی مواد بھی موجود ہے۔