گوجرانوالہ+نوشہرہ ورکاں (نمائندہ خصوصی+نامہ نگار) گوجرانوالہ کے نواحی علاقہ پپلی والا کے قریب سابق رکن قومی اسمبلی اور پیپلز پارٹی کے امیدوار تصدق مسعود المعروف تنکی کی گاڑی ٹریکٹر ٹرالی کے ساتھ ٹکرا کر الٹ گئی جس کے نتیجے میں انتخابات کی کمپین پر نکلے ہوئے تصدق تنکی سر میں چوٹ آنے سے شدید زخمی ہوگئے جبکہ ڈرائیور عثمان معجزانہ طور پر محفوظ رہا۔ تاہم زخمی امیدوار کو طبی امداد کیلئے پہلے ڈسٹرکٹ ہسپتال اور بعدازاں تشویشناک حالت کے پیش نظر لاہور کے ہسپتال منتقل کردیا گیا ہے۔