لاہور (خصوصی رپورٹر) سابق وزیر اعلیٰ پنجاب محمد شہباز شریف نے جھنگ کے بڑے جلسہ عام میں عمران خان کی طرف سے لگائے جانے والے نعرے ”اوپر اللہ نیچے بلا“ کو شدید تنقید کا نشانہ بنایا۔ انہوں نے کہا قرآن میں آیا ہے اللہ ہر جگہ موجود ہے۔ میں کہتا ہوں اوپر اللہ نیچے اللہ، دائیں اللہ، بائیں اللہ، آگے اللہ پیچھے اللہ........مجمع بھی اس موقع پر شہباز شریف کے ساتھ اللہ ہو، اللہ ہو کا باآواز بلند ورد کرتا رہا۔ ٭....شہباز شریف نے کہا زرداری نے قوم کو لوڈشیڈنگ کا عذاب دیا جبکہ ہم نے سولرز لیمپس سکیم کے ذریعے غریب طالب علموں کے گھروں کو روشن کرنے کی کوشش کی انہوں نے زرداری کو مخاطب کرتے ہوئے یہ شعر پڑھا۔