نواز، شہباز شریف اور انکے خاندان کے دیگر افراد کیخلاف 3 ریفرنسوں کی سماعت آج ہو گی
راولپنڈی (اے پی پی) راولپنڈی کی خصوصی احتساب عدالت میں سابق وزیر اعظم نواز شریف‘ سابق وزیراعلیٰ شہباز شریف سمیت شریف فیملی کے دیگر افراد کے خلاف اربوں روپے مالیت کے تین الگ الگ کرپشن ریفرنسز کی سماعت آج ہوگی۔ قومی احتسا ب بیورو (نیب ) کی جانب سے شریف فیملی کے خلاف اربوں روپے مالیت کے تین الگ الگ کرپشن ریفرنسز حدیبیہ پیپر مل‘ اتفاق فاﺅنڈری اور رائے ونڈ اراضی کی باقاعدہ سماعت آج راولپنڈی کی خصوصی احتساب عدالت نمبر چار کے جج چودھری عبدالحق کریںگے۔
