ٹھٹھہ: اویس ٹپی کے قافلے میں شامل گاڑی کی ٹکر سے بچہ جاں بحق، ورثاءکا احتجاج
ٹھٹھہ (نوائے وقت رپورٹ) ٹھٹھہ میں پی پی رہنما اویس مظفر ٹپی کے قافلے میں شامل گاڑی کی ٹکر سے بچہ جاں بحق ہو گیا۔ نجی ٹی وی کے مطابق ٹریفک حادثہ چلیا کے مقام پر پیش آیا۔ بچہ سکول سے چھٹی کر کے گھر جا رہا تھا اور سڑک کراس کرتے ہوئے تیز رفتار گاڑی کی ٹکر سے دم توڑ گیا۔ اویس مظفر ٹپی انتخابی مہم کے سلسلے میں قافلے کی شکل میں جھرک جا رہے تھے۔ بچے کی ہلاکت پر ورثاءنے قومی شاہراہ پر احتجاج کیا اور دھرنا دیا۔ ورثاءکا مطالبہ تھا کہ ٹرین حادثہ میں ملوث ملزمان کے خلاف مقدمہ درج کیا جائے۔ دھرنے کے باعث قومی شاہراہ پر ٹریفک ہلاک رہی۔ دریں اثناءحکومت سندھ نے اویس مظفر ٹپی کو مزید سکیورٹی فراہم کرنے کی ہدایت کر دی۔ ذرائع کے مطابق خفیہ ادارے نے امیدوار پی پی اویس مظفر کی سکیورٹی پر خدشات ظاہر کئے تھے۔
بچہ جاں بحق/ احتجاج
