٭.... علی پور چٹھہ میں شہبازشریف کا جلسہ حاضری کے اعتبار سے ایک تاریخی اجتماع تھا۔ اہل علی پور چٹھہ کا کہنا تھا ان کے علاقے میں اتنا بڑا جلسہ کبھی منعقد نہیں ہوا۔ ٭....جلسے کی زیادہ تعداد نوجوانوں پر مشتمل تھی جو تمام وقت وقفے وقفے سے شیر آیا شیر آیا اور نوازشریف زندہ باد، شہبازشریف زندہ باد کے نعرے لگا رہے تھے۔ ٭.... عمران خان کی طرف سے شیر کو ووٹ دینے کی اپیل کی بازگشت آج علی پور چٹھہ کے جلسے میں بھی سنائی دی۔ مقررین نے کہا مسلم لیگ (ن) عمران خان کے حواس پر اس قدر طاری ہو چکی ہے اس نے شیر کے لئے ووٹ مانگ لیا ہے۔ سابق وزیراعلیٰ کا اس پر تبصرہ تھا جادو وہ جو سر چڑھ کر بولے۔ ٭....جلسے میں حاضرین کی تعداد اور جوش و جذبہ دیکھ کر شہبازشریف نہایت خوش اور مطمئن دکھائی دے رہے تھے۔ انہوں نے مسلم لیگ (ن) کے امیدواروں کو مبارکباد دی اور کہا آپ نے الیکشن جیت لیا ہے۔