مکرمی! بین الاقوامی صنعتی و ایکسپورٹ سٹی سیالکوٹ کے مندرجہ ذیل اہم مسائل ارباب اختیار کی فوری توجہ کے مستحق ہیں!-1سیالکوٹ انٹرنیشنل ایئرپورٹ سے بین الاقوامی شہرت کی حامل ائرلائنوں کے اجرا کی خاطر یہاں پر تمام مطلوبہ سہولیات فی الفور اور بدرجہ اتم فراہم کی جائیں۔ -2سمبڑیال ڈرائی پورٹ پر ڈیوٹی فری شاپ قائم کی جائے۔-3چیمبرز آف کامرس اینڈ انڈسٹریز سیالکوٹ کا بین الاقوامی ڈسپلے سنٹر جلد مکمل کیا جائے۔-4 موسم برسات سے پہلے پہلے شہر بھر کے تمام سیوریج نالوں کی خاطر خواہ صفائی کرائی جائے۔ -5 گرین بیلٹوں کی حفاظت کا بندوبست کیا جائے۔ -6 جناح اسٹیڈیم کی تزئین و مرمت کا کام کروا کر وہاں بین الاقوامی معیار کی سہولتیں فراہم کی جائیں۔ (ابو سعدیہ سید جاوید علی شاہ سیالکوٹ)