چمن شاہراہ پر مسافر وین اور ٹرک میں تصادم، 7افراد جاں بحق، 4زخمی
کوئٹہ (بیورو رپورٹ) کوئٹہ میں چمن شاہراہ پر مسافر وین اور ٹرک کے درمیان تصادم میں 7افراد جاں بحق اور 4زخمی ہوگئے ہیں۔ پولیس کے مطابق جاں بحق ہونے والوں میں 2 خواتین اور بچہ بھی شامل ہے ‘ زخمیوں کی حالت تشویشناک ہے جس سے ہلاکتوں میں اضافے کا خدشہ ہے۔ جمعرات کو پولیس کے مطابق کوئٹہ میں چمن شاہراہ پر یارو کے مقام پر مسافر وین اور ٹرک کے درمیان تصادم ہوگیا جس کے نتیجے میں سات افراد موقع پر ہی جاں بحق ہوگئے جبکہ حادثے میں چار افراد زخمی ہوئے۔ زخمیوں کو قریبی ہسپتال میں منتقل کردیا گیا۔ لیویز اہلکاروں نے موقع پر پہنچ کر امدادی کارروائی شروع کی۔
حادثہ
