پاکستان پوسٹ نے یوم شہداءکے موقع پر 8,8 روپے مالیت کے 3 یادگاری ٹکٹ جاری کردیئے
اسلام آباد (سٹاف رپورٹر) پاکستان پوسٹ نے یوم شہداءکے موقع پر اور شہداءکی قربانیوں کو خراج عقیدت پیش کرنے کیلئے آٹھ آٹھ روپے مالیت کے 3 یادگاری ٹکٹ جاری کئے ہیں۔ جمعرات کو آئی ایس پی آر کی جانب سے جاری بیان کے مطابق ڈاک ٹکٹوں پر کیپٹن کرنل شیر خان شہید، حوالدار لالک جان شہید (نشان حیدر) اور نائیک سیف علی خان شہید (ہلال کشمیر مساوی نشان حیدر) کی تصاویر موجود ہیں۔
