وزیرآباد/گوجرانوالہ / راولپنڈی (این این آئی + نامہ نگار+نمائندہ خصوصی) پاک فوج کا ہیلی کاپٹر لینڈنگ کرتے ہوئے زمین سے ٹکرا گیا دونوں پائلٹ زخمی ہو گئے۔ ہیلی کاپٹرکو حادثہ وزیر آباد کے علاقہ منصور آباد علی پور بند روڈ کے قریب پیش آیا، پاکستان آرمی کا ہیلی کاپٹر تربیتی پرواز کے دوران خرابی کا شکار ہوا اور لینڈنگ کی کوشش میں زمین سے جا ٹکرایا جس کے نتیجے میں ہیلی کاپٹر میں سوار نیوی کے ٹرینی پائلٹ لیفٹیننٹ کمانڈر طلحہ اور کیپٹن اعجاز زخمی ہو گئے جبکہ دونوں کو طبی امداد کےلئے سی ایم ایچ منتقل کر دیا گیا ہے، حادثے کی وجوہات کا پتہ چلانے کےلئے تحقیقات شروع کر دی گئی ہیں۔ حادثہ کی اطلاع ملنے پر حساس ادارے کے افسران اور مقامی پولیس انتظامیہ جائے وقوع پر پہنچ گئے۔