پی آئی اے کی پھرتیاں‘ عمرہ زائرین کو ملتان کی بجائے لاہور پہنچا دیا گیا‘ مسافروں کا احتجاج
کراچی (آن لائن) قومی ایئر لائن پی آئی اے کی پھرتیاں‘ کراچی سے ملتان جانے والی قومی ایئر لائن کے مسافروں کو ملتان کا بتاکر لاہور میں اتار دیا گیا‘ مسافروں کا لاہور ایئرپورٹ پر شدید احتجاج۔ تفصیلات کے مطابق گزشتہ روز جدہ سے عمرہ کی سعادت حاصل کرنے کے بعد واپس آنے والے زائرین کراچی پہنچے تو انہیں قومی ایئر لائن کی پرواز پی کے 302 پر سوار کرکے ملتان کیلئے روانہ کردیا گیا۔جب عمرہ زائرین کے عزیزواقارب اپنے رشتہ داروں کو لینے کیلئے ملتان ایئرپورٹ پرپہنچے تو انہیں بتایا گیا کہ مذکورہ فلائٹ لاہور ایئرپورٹ پر لینڈ کرگئی ہے۔زائرین سے کہا گیا وہ اب لاہور سے ملتان بسوں کے ذریعے جائیں۔
پی آئی اے
