مکرمی، پرویز مشرف کی عدالت میں گذشتہ پیشی کے بعد ملزم کے وکیل اپنی نرمیِ دل کے باعث اپنے آنسو ضبط نہ کرسکے کیونکہ اُن کو ملزم کی نوے سالہ بیمار ماں جو یقیناً انتہائی کسمپرسی کی حالت میں دبئی میں اپنے بیٹے کی راہ دیکھ رہی ہے، کا خیال بہت مضطرب کررہا تھا۔ وکیل کیلئے ایک کامیاب ایکٹر ہونا بہت لازمی ہے۔ احمد رضا قصوری نے بھٹو کی سزا کے بعد نصرت بھٹو کو اپنی کمال کی اداکاری کرتے ہوئے بہن بھی بنایا اور چادر کا تحفہ بھی دیا۔ اداکاری اس طرح کہ کسی نے اس سلوک کی بابت پوچھا تو جواب دیا کہ وہ منافقت تھی۔ تو پھر یہ آنسو؟ (میجر حیدر حسن لاہور)