فیصل آباد (نمائندہ خصوصی) پاکستان تحریک انصاف کے چیئرمین عمران خان فیصل آباد کے اقبال پارک میں جلسے کے وقت تھکن، گرمی اور رش کے باعث نڈھال نظر آئے اس دوران نعروں کا جواب دیتے ہوئے تھکن کے باعث عمران خان گھبرا کر اچانک سٹیج پر موجود صوفے پر لیٹ گئے تاہم چند لمحوں بعد وہ ہشاش بشاش نظر آئے اور انہوں نے عوام سے پرجوش خطاب کیا۔ واضح رہے کہ عمران خان نے گذشتہ روز چنیوٹ اور جھنگ میں بھی خطاب کیا جبکہ لاہور میں پریس کانفرنس اور سیمینار سے بھی خطاب کیا جس کی وجہ سے ان کی نیند پوری نہ ہو سکی اور تھکن کے آثار عمران خان کے چہرے پر نظر آئے، پرجوش خطاب کے بعد وہ فوری طور پر لاہور واپس آ گئے۔