لاہور (خبر نگار) الیکشن کمشن اور نادرا کی بنائی ووٹر لسٹوں نے ووٹروں کو مشکل میں ڈال دیا۔ سینکڑوں شکایات موصول ہو رہی ہیں ایسے لوگ بھی ہیں جن کے ووٹ دوسرے شہروں میں بنائے گئے ہیں۔ لاہور کے علاقہ قلعہ گجر سنگھ کے محلہ آویاں مکان نمبر15 ڈی سٹریٹ 3 کے رہائشی محمد شفیق کا ووٹ سیکٹر گیارہ ڈی نیو کراچی، کراچی ٹا¶ن کے پولنگ سٹیشن میں ڈال دیا گیا ہے۔ محمد شفیق کے دیگر محلہ داروں کے ووٹ بھی ”ادھر ادھر“ کر دئیے گئے ہیں۔ 90 اپر مال کے انجم حفیظ اور ان کے بھائی نعمان حفیظ کے ووٹ اپر مال کے میاں مہر بوائز سکول سے تبدیل کر کے چاہ میراں منتقل کر دئیے گئے ہیں جبکہ ان کی والدہ خالدہ حفیظ کا ووٹ گوجرانوالہ کے حلقہ این اے 97 میں پہنچا دیا گیا ہے۔ الیکشن کمشن نے 8300 پر SMS کر کے ووٹ معلوم کرنے کی سہولت دی تھی اگر کسی نے اس سے فائدہ نہیں اٹھایا تو یہ الیکشن کمشن کا قصور نہیں۔ ووٹ اب تبدیل نہیں ہو سکتا۔