رائےونڈ ( نامہ نگار) مسلم لیگ ن کی مرکزی رہنما ءمیڈم مریم نواز نے رائے ونڈ کا دورہ کیا۔ امیدوار این اے128 ملک محمد افضل کھوکھر اور امیدوار پی پی 160ملک سیف الملوک کھوکھر بھی ہمراہ تھے ۔ عشرت بھلر کی قیادت میں موٹر سائیکل ریلی رات کے گیارہ بجے سندر روڈ بائی پاس نیو سبزی منڈی سے شروع ہوئی ،بھٹی چوک اور ٹاﺅن کمیٹی چوک میں ہزاروں کارکنوں نے مریم نواز کا استقبال کیا ، مریم نواز کی رائے ونڈ آمد شام چھ بجے متوقع تھی لیکن کارکنان پانچ گھنٹے تک انتظار کرتے ہوئے نعرے بازی اور بھنگڑے ڈالتے رہے۔ریلی میں میاں آصف شہزاد، رانا شفاقت گوگا، نجم سہیل، رانا پرویز ارشد، باﺅ مبین اور دیگر نے بھی شرکت کی۔