اسلام آباد (اے پی پی) پاکستان سکوائش فیڈریشن کے زیراہتمام فرانس میں کھیلی جانے والی عالمی ٹیم سکوائش چیمپئن شپ کے چناﺅ کیلئے قومی کھلاڑیوں کے ٹرائلز مصحف سکواش کمپلیکس میں جاری ہیں۔ قومی ٹیم کے کوچ جمشید گل نے بتایا کہ ٹرائلز میں چھ کھلاڑی حصہ لے رہے ہیں جن میں منصور زمان، فرحان زمان، وقاص محبوب، طیب اسلم، عماد فرید، شیخ ثاقب شامل ہیں اور ان میں سے چار باصلاحیت کھلاڑیوں کا انتخاب کیا جائے گا۔ یہ کھلاڑی عالمی ٹیم سکوائش چیمپئن شپ میں شرکت کریں گے یہ چیمپئن شپ 9 سے 15 جون تک فرانس میں منعقد ہوگی۔