ٹوکیو (اے پی پی) جاپان کے چیمپئن باکسر ریو میازکی ورلڈ باکسنگ ایسوسی ایشن ٹائٹل کا کامیاب دفاع کر لیا۔ جاپانی باکسر نے حریف میکسن چیلنجر کارلوس کو ناک آﺅٹ شکست دی۔ یہ ریو کی مجموعی طور پر 19 ویں فتح ہے جبکہ 11 مقابلوں میں انہوں نے حریف باکسرز کو ناک آﺅٹ کیا۔ اوساکا میں منعقدہ فائٹ 12 راﺅنڈ پر مشتمل تھی لیکن جاپانی باکسر ریو میازکی نے میکسیکن باکسر کارلوس پر مکوں کی برسات کر کے انہیں شدید زخمی کر دیا جس کی وجہ سے وہ پانچویں راﺅنڈ میں ہی ہمت ہار گئے اور ریو کو فاتح قرار دیا گیا۔ ریو نے پہلی بار ٹائٹل کا کامیاب دفاع کرنے کا اعزاز حاصل کیا ہے۔