کوالالمپور (اے پی پی) ایشیئن کرکٹ کونسل انڈر 19 ایلیٹ کپ کے سیمی فائنلز آج کھیلے جائیں گے۔ تفصیلات کے مطابق ملائیشیا کے دارالحکومت کوالالمپور میں جاری انڈر 19 ایلیٹ کپ میں افغانستان، نیپال، ملائیشیا اور متحدہ عرب امارات (یو اے ای) نے فائنل فور میں جگہ حاصل کر لی ہے۔ ایونٹ کا پہلا سیمی فائنل افغانستان اور ملائیشیا کی انڈر 19 کرکٹ ٹیموں کے درمیان کھیلا جائے گا۔ دوسرے سیمی فائنل میں نیپال اور متحدہ عرب امارات کی انڈر 19 ٹیمیں آمنے سامنے ہوں گی۔ فائنل میچ 11 مئی کو کھیلا جائے گا۔