لاہور (سپورٹس رپورٹر) یاسین اختر میموریل کرکٹ ٹورنامنٹ میں دو میچوں کا فیصلہ ہو گیا۔ پہلے میچ میں کینٹ جم خانہ نے کراﺅن کلب کو 5 وکٹوں سے شکست سے دوچار کیا۔ کراﺅن کلب نے 8وکٹوں پر 168رنز بنائے۔ محمد شعیب 66 اور گوہر حفیظ نے 30رنز بنائے۔ کینٹ جمخانہ نے مطلو بہ ہدف 5وکٹوں پر 172رنز بنا کر حاصل کر لیا۔ احمد اکرم 41، سلمان 35اسد 38جمیل 26 (ناٹ آﺅٹ) رنز بنائے۔ دوسرے میچ میں ماڈل ٹاﺅن جمخانہ نے مسلم جم خانہ کو 6وکٹوں سے ہرا کر تیسرے راﺅنڈ کے لئے رسائی حاصل کر لی۔ مسلم جمخانہ نے پہلے کھیلتے ہوئے 137رنز بنائے۔ جواب میں ماڈل ٹاﺅن جمخانہ نے مطلو بہ ہدف 4 وکٹوں پر 138رنز بنا کر حاصل کر لیا۔